Goa GMC: सोमवारी जेवणाच्या सुट्टीनंतर कुडचडेचे आमदार नीलेश काब्राल यांनी गोमेकॉत शरीराच्या अवयवांच्या अनुपलब्धतेशी संबंधित एक मुद्दा पुढे केला. काब्राल म्हणाले की, 78 वर्षांच्या कुडचडे येथील एका महिलेचे पायाचे हाड फ्रॅक्चर झाले होते; पण तिच्यावर कृत्रिम अवयवाचे रोपण करणे गोमेकॉत शक्य झाले नाही.
त्या महिलेला बाहेरील बाजारातील कृत्रिम अवयव विकत घेऊन रोपण करावे लागले; कारण गोमेकॉत ते अनुपलब्ध होते. यासंदर्भात त्यांनी आरोग्यमंत्र्यांना जाब विचारला. त्यानंतर शुक्रवारी याविषयावर उत्तर देणार असल्याची प्रतिक्रिया राणे यांनी दिली.
सन 2023-24 या वर्षासाठीच्या अनेक पुरवणी मागण्या सोमवारी विधानसभेच्या अधिवेशनासमोर ठेवण्यात आल्या. या पुरवणी मागण्यांवर विरोधी पक्षातील अनेक नेत्यांनी सूचना केल्या.
त्यानंतर मुख्यमंत्री डॉ. प्रमोद सावंत यांनी गोवा विनियोग विधेयक 2023-24 मांडले. ज्याला विधानसभेच्या अधिवेशनात परवानगी मिळाली. भाडे नियंत्रण बिल मागे घेण्यात आले. पुढे गोवा नगर नियोजन सुधारणा विधेयक,
गोवा मोटार कर सुधारणा विधेयक, गोवा जमीन वापर दुरुस्ती विधेयक, गोवा वस्तू आणि सेवा कर सुधारणा विधेयक, गोवा मूल्यवर्धित कर सुधारणा विधेयक, इमारत भाडेपट्टी आणि निष्कासन विधेयक इ. विधानसभा अधिवेशनामध्ये सादर करण्याची परवानगी मिळाली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
