Shiroda News : शिरोडा शिवनाथ संस्थानचा जत्रोत्सव 26 डिसेंबरपासून

Shiroda News : शिरोडा, शिवनाथी शिरोडा येथील ग्रामदैवत श्री शिवनाथ संस्थानातील वार्षिक जत्रौत्सव मंगळवार, २६ ते रविवार ३१ डिसेंबर च्या दरम्यान विविध धार्मिक आणि सांस्कृतिक कार्यक्रमांनिशी साजरा होणार आहे, अशी माहिती संस्थानचे अध्यक्ष म्हाडू उर्फ राजू प्रभुगावकर यांनी दिली.

यानिमित्त मंगळवार २६ रोजी सकाळी श्री शिवनाथ व पंचिष्ट देवताना विधिपूर्वक अभिषेक पूजा व अन्य धार्मिक विधी सकाळी गवळणकाला सकाळी ९ वाजता पालखीतून मिरवणूक, लघुरुद्र व अन्य धार्मिक विधी दुपारी १ वाजता श्रींची महाआरती, व कै. मालती मधूकर शिरोडकर यांच्या स्मृतीप्रित्यर्थ प्रवीण शिरोडकर पुरस्कृत महाप्रसाद सर्व भाविकांना वाढला जाणार आहे.

सायंकाळी ७ वा. श्री मंडलेश्‍वर देवाचे श्री शिवनाथ मंदिरात आगमन, मुक्‍तद्वार, पुराणवाचन, भजन व सांस्कृतिक कार्यक्रम होणार आहेत. बुधवार २७ रोजी पहाटे, ५.३० वा. सांगोड, नौकाविहार रथोत्सव, दुपारी १२ वा. दिवजोत्सव होईल. रात्री ८ वा. प्रसाद वाटप होईल. गुरुवार २८ रोजी रात्री ८.३० वा. श्रींच्या मूर्तीची पालखीतून मिरवणूक, रात्री सांस्कृतिक कार्यक्रम होणार आहेत.