Shiroda News : शिरोड्यातील सिम्बॉयसीस विद्यालयात हस्तकला प्रदर्शनाला उत्साही प्रतिसाद

Shiroda News : शिरोडा येथील सिम्बॉयसीस विद्यालयात हस्तकला प्रदर्शन उत्साहात साजरे झाले. या प्रदर्शनाला उत्साही प्रतिसाद लाभला. या मेळाव्यात स्थानिक कलाकारांनी सुरेख कलाकृती सादर केल्या.

विशेष म्हणजे विद्यालयाच्या सुमारे ७८ विद्यार्थ्यांनीही टाकाऊतून टिकाऊ पद्धतीवर सुरेख वस्तूंचे प्रदर्शन केले.

यावेळी आयोजित कार्यक्रमाला गोवा राज्य हस्तकला महामंडळाच्या साहाय्यक संचालिका राजेश्‍वरी मेनेडल, शाळा व्यवस्थापनाच्या सदस्य डॉ. गौरी शिरोडकर, मुख्याध्यापक बेंजामीन रोचा यांनी स्वागत व प्रास्ताविक केले.

विद्यार्थ्यांचा या कार्यक्रमात पाहुण्यांच्या हस्ते गौरव करण्यात आला. अक्षदा पालेकर यांनी सूत्रसंचालन तर ॲफी आलेमाव यांनी आभार मानले.