Goa Shigmo Festiva 2023: शिमगोत्सवात आकर्षण असणाऱ्या चित्ररथ मिरवणुकीवर यंदाही वेळेचे बंधन कायम राहिले आहे. चित्ररथाची मिरवणूक रात्री 10 पर्यंत संपवावी, अशी अट ठेवण्यात आली आहे. यावर्षी 8 मार्चपासून शिमगोत्सवास सुरवात होणार आहे. तत्पूर्वी कार्निव्हलच्या किंगमोमोच्या राजवटीला 18 फेब्रुवारीपासून प्रारंभ होत आहे.
पर्यटन खात्याच्या वतीने कार्निव्हल आणि शिमगोत्सव आयोजनाविषयी काल पर्यटन भवनात बैठक पार पडली.
यावेळी पर्यटन विभाग, पोलिस खाते आणि अग्निशामक दलाचे अधिकारी उपस्थित होते. माहिती संचालक निखिल देसाई म्हणाले, की 18 फेब्रुवारीपासून राजधानी पणजीतून किंगमोमोच्या राजवटीस प्रारंभ होणार असून, ती राजवट चार प्रमुख शहरांत राहिल.
मिरवणुकांच्या तारखा नंतर जाहीर
अगोदर मध्यरात्रीपर्यंत शिमगोत्सवातील चित्ररथांची मिरवणूक चालत असल्याने चित्ररथ करणाऱ्यांची संख्याही अधिक असायची, परंतु वेळेचे बंधनामुळे चित्ररथ करणाऱ्या मंडळांची संख्याही कमी झाली आहे.
यंदाही शिमगोत्सवाची मिरवणुकीला 10 पर्यंतची वेळ आहे. राज्यातील 17 ठिकाणी शिमगोत्सवाच्या मिरवणुका निघणार असून यांच्या तारखा नंतर जाहीर होतील असे सांगण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
