Goa Shigmotsav 2023: डिचोलीत आज शिगमोत्सव

Goa Shigmotsav 2023: डिचोलीत शुक्रवारी (ता. 10) शासकीय पातळीवरील शिगमोत्सव साजरा करण्यात येणार असून ''घणचे कटर घण''च्या निनादात डिचोली शहर दुमदूमून निघणार आहे.

शिगमोत्सवानिमित्त चित्ररथ, रोमटामेळ, लोकनृत्य आणि वेशभूषा स्पर्धा आयोजिल्या आहेत. शिगमोत्सव साजरा करण्यासाठी आमदार डॉ. चंद्रकांत शेट्ये यांच्या अध्यक्षतेखाली आयोजन आणि विविध समित्या सज्ज झाल्या आहेत. दरम्यान, विविध स्पर्धांच्या बक्षीसांच्या रकमेत आता वाढ करण्यात आली आहे.

शुक्रवारी सायंकाळी 5 वा. श्री शांतादुर्गा विद्यालयाच्या प्रांगणात शिगमोत्सवाचे उद्‍घाटन होणार असून, प्रमुख पाहूणे म्हणून पर्यटनमंत्री रोहन खंवटे यांना निमंत्रित करण्यात आले आहे.

याशिवाय मयेचे आमदार प्रेमेंद्र शेट, पालिकेचे मुख्याधिकारी सचिन देसाई, नगराध्यक्ष कुंदन फळारी आदी उपस्थित राहणार आहेत.

बोर्डेतून मिरवणुकीला प्रारंभ- बोर्डे वडाकडून श्री वडेश्वर देवाच्या प्रांगणातून शिगमोत्सव मिरवणूकीला प्रारंभ होणार असून भायली पेटमार्गे छत्रपती शिवाजी महाराज सर्कल आणि मैदानाकडून कदंब बसस्थानकावर आल्यानंतर मिरवणुकीची सांगता होणार आहे.