Goa Crime: वाळपईत अल्पवयीन मुलीवर लैंगिक अत्याचार; बनवली अश्लील चित्रफित

Goa Crime: गोव्याच्या सत्तरी तालुक्यातील वाळपई येथे एका अल्पवयीन मुलीवर बलात्काराची घटना घडली आहे. या घटनेतील संशयिताने अश्लील व्हिडिओ बनवून तो प्रसारित केला होता. या प्रकरणी वाळपई पोलिस स्थानकात गुन्हा दाखल झाला आहे.

विष्णू लक्ष्मण चव्हाण असे आरोपीचे नाव आहे. या प्रकरणी बलात्कारासह, पॉक्सो आणि आयटी कायद्यानुसार गुन्हा नोंद करण्यात आला आहे.

तो मूळचा कर्नाटकचा आहे. तो कर्नाटकातील गडक येथे लपून बसल्याची माहिती पोलिसांना मिळाली होती. त्यानंतर गोव्यातील पोलिस उपनिरीक्षक सर्वेश गड्डी, पोलिस कॉन्स्टेबल हारूण शेख, सुशांत गावकर यांच्या पथकाने त्याचा शोध घेत त्याला अटक केली.

डिचोलीचे एसडीपीओ सागर एकोसकर यांच्या देखरेखीखाली वाळपई पोलिस स्टेशनचे पोलिस निरीक्षक दिनेश गाडेकर पुढील तपास करत आहेत.