बार्देश, अजूनही राज्यात पावसाने पाहिजे तसा जोर धरला नाही मात्र दोन दिवसांपासून पडत असलेल्या पावसामुळे म्हापसा बाजारपेठेतील गटारव्यवस्थेचे तीन तेरा वाजले आहेत.
पालिकेने डागडुजी आणि गटांरावर लाद्या तसेच गटारांची साफसफाई न केल्याने ही स्थिती निर्माण झाल्याचे येथील व्यापाऱ्याचे म्हणने आहे. त्यांनी तसा संतापही व्यक्त केला.
यासंदर्भात, म्हापसा व्यापारी संघटनेचे कार्यकारी सदस्य तथा प्रसिद्ध कपड्याचे व्यापारी गितेश डांगी म्हणाले की, दरवर्षी गटारांची साफसफाई करून दिली जाईल, असे पालिकतर्फे सांगितल्या जाते. मात्र तसे होत नाही. दरवर्षी पावसाच्या दिवसात गटारातून घाण पाणी वाहून दुकानात शिरते. अशा अवस्थेतच आम्हा व्यापाऱ्यांना व्यवसाय करावा लागतो.
कामे अजूनही सुरूच : डॉ. नूतन बिचोलकर
म्हापसा पालिकेच्या नगराध्यक्षा डॉ. नूतन बिचोलकर यांना विचारले असता त्या म्हणाल्या, म्हापसा पालिका बाजारातील गटारांची साफसफाई व डागडुजी करण्यात येत आहे. काही शिल्लक असलेल्या गटारांची साफसफाई करण्याचे काम चालू ठेवण्यात यावे, असेही सांगितले आहे. पण म्हापसा मटक्याच्या बाजारातील सोनारांच्या रागातील गटारे गेल्या काही वर्षांपासून ‘जैसे थे’ च्या स्थितीत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
