मुरगाव एलमाॅन्त थिएटर जवळ मलनिस्सारण घाण रस्त्यावर वाहत असल्याने वाहनचालकांना या घाणीतून वाट काढावी लागते. संबंधितांकडून अजून उपाययोजना नसल्याने नागरिकांनी नाराजी व्यक्त केली आहे.
गेले तीन दिवस मुरगाव एलमाॅन्त थिएटर जवळ एका सेवेरेजच्या मेनहोल मधून सांडपाणी तुडुंब भरून मुख्य रस्त्यावर कारंजाच्या स्वरूपात बाहेर येत आहे. ही सर्व घाण रस्त्यावर वाहत आहे. त्यामुळे या भागात दुर्गंधी पसरली आहे. तसेच मुख्य रस्त्यावरून ये-जा करणाऱ्या शेकडो लोकांना या सांडपाण्यातून वाट काढावी लागते.
वाहन जाताना अंगावर घाण पाणी पडत असल्याने या रस्त्यावरून ये-जा करणे जोखमीचे बनले आहे. दिवसाकाठी शेकडो वाहने या रस्त्यावरून ये-जा करतात. संबंधित अधिकार्‍यांनी त्यावर तातडीने उपाययोजना करावी,अशी मागणी वाहनचालकांकडून होत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
