Mapusa District Hospital: नागरीकांच्या सेवेसाठी म्हापसा येथे सरकारने कोट्यवधी रुपये खर्च करून उत्तर गोवा जिल्हा रुग्णालय तयार केले आहे. मात्र, ज्या रुग्णालयाने लोकांच्या आरोग्याची काळजी घ्यायची आहे, तेच रुग्णालय आपल्या आवाराबाहेरील सांडपाणी बाहेर टाकत असून ही अत्यंत लाजिरवाणी बाब आहे.
म्हापसा येथील जिल्हा रुग्णालयाचे (Mapusa District Hospital) सांडपाणी गटारात आणि नंतर रस्त्यावर वाहत असून, त्यामुळे दुर्गंधी पसरली आहे. ज्यामुळे रुग्णालयात येणाऱ्या रुग्णांना आणि त्यांच्या नातेवाईकांना यापासून आरोग्याचा धोका निर्माण झाला आहे.
रुग्णालयावर कोटय़वधी रुपये खर्च करूनही सांडपाण्याच्या कामाकडे दुर्लक्ष होणार नाही, याची काळजी सरकारने घ्यायला हवी होती. या प्रकाराकडे सामाजिक कार्यकर्ते संजय बर्डे (Sanjay Barde) यांनी लक्ष वेधले आहे. याबाबत त्यांनी सरकारला जाब विचारला आहे.
खुद्द रुग्णालयाच्या इमारतीचे कामही निकृष्ट दर्जाचे झाले आहे. त्यांनी वरवर फॅब्रिकेशन केले आहे. कामांची देखरेख करणाऱ्या सहाय्यक अभियंत्याने योग्य काम झाल्याचे दिसायला हवे होते, असे बर्डे म्हणाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
