हणजूण येथे पिटबूल जातीच्या कुत्र्याने केलेल्या हल्ल्यात सात वर्षीय चिमुकल्याचा मृत्यू झाला आहे. आई घरकाम करत असलेल्या घरातील कुत्र्यानेच हल्ला केल्याने ही घटना घडली.
गंभीर जखमी झालेल्या मुलाला उपचारासाठी गोमेकॉत दाखल केले असता उपचारादरम्यान त्याचा मृत्यू झाला. गुरुवारी (२८ ऑगस्ट) सायंकाळी ही घटना घडली.
प्रभास कळंगुटकर (वय ०७) असे या हल्ल्यात मृत झालेल्या मुलाचे नाव आहे. मिळालेल्या माहितीनुसार, मृत प्रभास हणजूण येथे आई घरकाम करत असलेल्या कामाच्या ठिकाणी गेला होता. यावेळी घरातील पिटबुल जातीच्या कुत्र्याने मुलावर हल्ला केला.
या हल्ल्यात प्रभास गंभीर जखमी झाला. जखमी प्रभासला उपचारासाठी गोवा वैद्यकीय महाविद्यालयाच्या रुग्णालयात दाखल करण्यात आले. पण, उपचारादरम्यान त्याचा मृत्यू झाला. या घटनेमुळे स्थानिकांमध्ये संतापाचा लाट पसरली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.