Serendipity Arts Festival 2022 : सेरेंडिपिटीत कलेची उधळण; पाहा खास फोटो

विविध क्षेत्रातील कलाकारांचे वेगळेपण असणारा सेरेंडिपिटी कलामहोत्सव आजपासून सुरू होत आहे.

या महोत्सवात इतके सारे कलाप्रकार सादर होत आहेत त्यातून निवड करणे तुम्हाला बरेच कठीण जाणार आहे.

नाटक, संगीत, नृत्य, मुलांसाठी कार्यक्रम, पब्लिक आर्ट, कार्यशाळा, प्रदर्शने, चर्चासत्रे, कलावस्तु, खादयपदार्थ हे सारे पणजी शहरातल्या वेगवेगळ्या भागात आपल्या आस्वादासाठी हजर असणार आहे.

तुम्हाला जर या साऱ्या उत्कृष्ट दर्जाच्या कार्यक्रमांचा आनंद घ्यायचा असेल, तर सर्वात प्रथम हे कार्यक्रम कुठल्या स्थळी घडत आहेत याची कल्पना तुम्हाला असणे अत्यंत आवश्यक आहे.

या महोत्सवात होणारे सारेच कार्यक्रम दर्जेदार असतात. त्यामुळे एकाच वेळी कुठल्या कार्यक्रमाला हजर राहू हा प्रश्न पडू शकतो.

'पब्लिक आर्ट ' प्रकारातल्या कलाकृती शहरभर पसरलेल्या आहेत.

गोव्याच्या छोटया बाजाराची प्रतिकृतीही आपल्याला एका प्रदर्शनात दिसेल, जिथे काही विशेष वस्तू आपण विकत घेऊ शकाल.

'संगीत' हे देखील सेरेंडिपिटीचे महत्वाचे अंग आहे. छोटे-मोठे सुमारे 39 वेगवेगळे सांगीतिक कार्यक्रम आपल्याला या महोत्सवात अनुभवता येणार आहेत.

15 ते 23 डिसेंबर या काळात पणजी शहरात विविध कलांची बहारदार उधळण होणार आहे.

विविध क्षेत्रातील कलाकारांचे वेगळेपण अनुभवायचे असेल तर, एकदा सेरेंडिपिटी फेस्टिव्हल नक्की पाहावा.