Goa Politics: गोवा तृणमूलवर माहितीचा गैरवापर केल्याचा आरोप

पणजी: तृणमूल आणि आयपॅक मतदारांची माहिती गोळा करून एक मोठा कट रचत असल्याचा आरोप करत, त्यांच्याकडे असलेला डेटा निवडणूक आयोगाने जप्त करावा, अशी मागणी काँग्रेस आणि गोवा फॉरवर्ड पक्षाने संयुक्तपणे केली.

यासंदर्भात त्यांनी मुख्य निवडणूक आयुक्त, नवी दिल्ली यांच्याकडे तक्रार केली आहे. काँग्रेसचे सरचिटणीस सुनील कवठणकर आणि गोवा फॉरवर्डचे संघटनमंत्री दुर्गादास कामत यांनी शनिवारी संयुक्तपणे पणजीत पत्रकार परिषद घेऊन ही माहिती दिली. (Sensational allegations of misuse of information against Goa TMC)

कवठणकर म्हणाले की, टीएमसी आणि आयपॅक काही योजना सुरू करून मतदारांचा डेटा गोळा करत आहेत. ते लोकांंची वैयक्तिक माहिती गोळा करत आहेत. त्यासाठी त्यांची चौकशी होणे आवश्यक आहे.

गोव्याची प्रयोगशाळा करू देणार नाही

टीएमसी गोव्याला TMC Goa प्रयोगशाळा म्हणून वापरत आहे आणि भाजपला Goa BJP सत्तेत येण्यासाठी मदत करत आहे. टीएमसी एकही जागा जिंकणार नाही, ते मतांचे विभाजन करण्यासाठी आणि भाजपला मदत करण्यासाठी येथे आहेत,असे दुर्गादास कामत म्हणाले. याबाबत निवडणूक आयोगाकडे Election Commission तक्रार केल्याचे सांगून आम्ही टीएमसी आणि आयपॅकला गोव्यातील मतदारांचा डेटा विकू देणार नाही, असेही ते म्हणाले.