दुसरा विवाह, युवती आणि तिच्या आईची आर्थिक फसवणूक; विभागीय चौकशीत आगशीचे PSI पिंगे दोषी

विवाहित असूनही दुसरा विवाह करून युवतीची फसवणूक केली तसेच, युवती आणि तिच्या आईचे ATM कार्ड विविध ठिकाणी वापरून आर्थिक फसवणूक केली. याप्रकरणी विभागीय चौकशीत सध्या आगशी येथे कार्यरत असणारे पोलीस उपनिरीक्षक नारायण पिंगे उर्फ रूशल दोषी आढळले आहेत.

फसवणूक, कामाच्या ठिकाणी नियमांचे उल्लंघन आणि बेहिशेबी मालमत्ता बाळगल्याचा ठपका त्यांच्यावर ठेवण्यात आला आहे.

पोलीस अधीक्षक सुचेता देसाई यांच्या विभागीय चौकशीत पिंगे दोषी आढळले आहेत. वास्को येथील मुलीने PSI पिंगे यांच्याविरोधात फसवणुकीचा गुन्हा दाखल केला होता. त्यानंतर पिंगे यांची खात्यांतर्गत चौकशी करण्यात आली.

चौकशीत 245 पानी कागदपत्रे, ऑडिओ आणि व्हिडिओ क्लिप यांचा समावेश आहे. चौकशीत पिंगे यांनी युवती आणि तिच्या आईचे ATM कार्ड वारंवार स्वाईप केले तसेच, इतर ठिकाणी देखील त्याचा वापर केला. असे चौकशी अहवालात म्हटले आहे.

पोलीस उपनिरीक्षक नारायण पिंगे विवाहित असून देखील युवतीशी देवळात दुसरा विवाह केला. तसेच, पीडित युवती आणि त्याच्या आईचे ATM कार्ड वारंवार स्वाईप करून आर्थिक फसवणूक केली. असा आरोप त्यांच्यावर आहे.

पिंगे 2020 साली पणजीतील पोलीस नियंत्रण कक्षात होते. तेव्हापासूनच पिंगे तरूणीच्या संपर्कात होते. त्याचेही पुरावे पोलिसांच्या हाती लागले आहेत. 2021 मध्ये पिंगेने तरूणीशी लग्न केले.