Actor Sandhya Shetty ... म्हणून सुपरमॉडेल संध्या शेट्टी सांगतेय "माझ्यासाठी लाइफ इज गोवा"

इथली खाद्यसंस्कृती आणि आदरातिथ्य मला आवडले असून मी गोव्याच्या प्रेमात आहे
Goa
Goa Dainik Gomantak

Actor Sandhya Shetty: कराटे क्रीडा प्रकारात कॉमनवेल्थमधील सुवर्ण पदक विजेती आणि सुपरमॉडेल असलेली संध्या शेट्टी सध्या OTT वर बरीच चर्चेत आहे. नुकतंच संध्या शेट्टीने ओटीटी प्लॅटफॉर्मवर सुनील शेट्टीसोबत 'धारावी बँक' या वेबसीरीजमध्ये काम केलंय.

या सोबतच ती आता राष्ट्रीय पुरस्कार विजेते दिग्दर्शक- प्रियदर्शन यांच्या 'कोरोना पेपर्स' या चित्रपटातून मल्याळममध्ये देखील पदार्पण करण्याच्या तयारीत आहे.

सध्या ती गोव्यात पर्यटनासाठी आली असताना गोवा आणि इथल्या नैसर्गिक समृद्धतेवर ती भलतीच खुश आहे. इथली खाद्यसंस्कृती आणि आदरातिथ्य आपल्याला आवडले असून आपण गोव्याच्या प्रेमात असल्याचेही तिने सांगितलं आहे.

"मी वर्षातून किमान एकदा तरी गोव्याला येण्याचा प्रयत्न करतो. मला गोव्यातले समुद्रकिनारे, इथलं संगीत, इथले लोक आणि गोव्यात तयार होणारे चविष्ट खाद्यपदार्थ आवडतात. गोव्यातील लोक आदरातिथ्य उत्तम प्रकारे करतात" असे कौतुक संध्या शेट्टीने केलेय.

"गोमंतक भूमी हि समृद्ध असून गोव्यात जाऊन मला फोटोग्राफी, मेडिटेशन, मसाज थेरपीसाठी जाणे, विविध प्रकारचे संगीत ऐकणे तसेच दागिने आणि कपड्यांची खरेदी करणे आवडते.

तसेच गोव्यातील समुद्रकिनाऱ्यांवर पहाटे फिरायला जाणेही मला फार आवडते. थोडक्यात माझ्यासाठी लाइफ इज गोवा आहे” असं संध्या शेट्टी आवर्जून सांगते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com