Indian Railway : उन्हाळ्यात मध्य रेल्वेच्या विशेष गाड्या; प्रवाशांना मोठा दिलासा

सासष्टी : उन्हाळ्यात प्रवाशांना गर्दीचा त्रास होऊ नये म्हणून मध्य रेल्वेने खास ज्यादा प्रवासी गाड्यांची व्यवस्था केली आहे. रेल्वे क्रमांक 01211व 01212 या गाड्या पुणे ते सावंतवाडी व परत या मार्गावर आठवड्यातून एकदा धावतील.

01211क्रमांकाची गाडी 2 एप्रिल ते 4 जूनपर्यंत दर रविवारी पुण्‍याहून संध्याकाळी 9.30 वाजता सुटेल व सावंतवाडी येथे दुसऱ्या दिवशी सकाळी 9.30 वाजता पोहोचेल. 01212 ही गाडी सावंतवाडीहून दर बुधवारी 5 एप्रिल ते 7 जूनपर्यंत सकाळी 10.10 वाजता सुटेल व पुण्यात त्याच दिवशी रात्री 11.55 वाजता पोहोचेल.

01216 या क्रमाकांची गाडी सावंतवाडीहून 3 एप्रिल ते 5 जूनपर्यंत दर सोमवारी सकाळी 10.10 वाजता सुटेल व पनवेलला त्याच दिवशी रात्री 8.30 वाजता पोहोचेल. त्याचप्रमाणे 01215 क्रमांकाची गाडी 4 एप्रिल ते 6 जूनपर्यंत दर मंगळवारी पनवेलहून रात्री 9.30 वाजता सुटेल व सावंतवाडीला दुसऱ्या दिवशी सकाळी 8.30 वाजता पोहोचेल. पनवेल ते करमळी या मार्गावरसुद्धा खास रेल्वेची व्यवस्था केली आहे.

01213क्रमांकाची गाडी 3 एप्रिल ते 5 जूनपर्यंत दर सोमवारी पनवेलहून रात्री 9.30 वाजता सुटेल व करमळी येथे दुसऱ्या दिवशी सकाळी 8.30 वाजता पोहोचेल. त्याचप्रमाणे 01214 क्रमांकाची गाडी 4 एप्रिल ते 6 जूनपर्यंत दर मंगळवारी करमळीहून सकाळी 9.20 वाजता सुटेल व पनवेलला त्याच दिवशी रात्री 8.30 वाजता पोहोचेल.

या सर्व गाड्यांचे आरक्षण 31 मार्चपासून सुरू झाल्याचे व प्रवाशांनी त्याचा लाभ घेण्याचे आवाहन रेल्वेतर्फे करण्यात आले आहे.

मुंबई-कन्याकुमारी सुपरफास्‍ट गाडी

लोकमान्य टिळक टर्मिनस मुंबई ते कन्याकुमारी या सुपरफास्‍ट लांब पल्ल्याच्या गाडीचीही व्यवस्था करण्यात आली आहे.01463 क्रमांकाची गाडी 6 एप्रिल ते 1 जूनपर्यंत दर गुरुवारी लोकमान्य टिळक टर्मिनसहून संध्याकाळी ४ वाजता सुटेल व कन्याकुमारीला दुसऱ्या दिवशी रात्री 11.20 वाजता पोहोचेल. तसेच 01464 ही गाडी कन्याकुमारीहून 8 एप्रिल ते 3 जूनपर्यंत दर शनिवारी दुपारी 2.15 वाजता सुटेल व लोकमान्य टिळक स्थानकावर दुसऱ्या दिवशी रात्री 9.50 वाजता पोहोचेल. गोव्यात या गाडीचा थांबा केवळ मडगाव स्थानकावर असेल.