Goa: राष्ट्रीय स्वयंसेवक संघाचे सरसंघचालक मोहन भागवत यांचे सोमवारी नागेशी येथे आगमन झाल्यानंतर त्यांनी अनेकांशी संवाद साधला आहे. विशेष म्हणजे या गोवा भेटीत भागवत यांनी संघाची बांधणी तसेच संघटीतपणावर भर दिल्याचे सूत्रांनी सांगितले. सध्या नागेशीत कडक पोलिस बंदोबस्त ठेवण्यात आला आहे.
मोहन भागवत 7 तारखेपर्यंत गोव्यात असतील. या काळात संघाचे अखिल भारतीय स्तरावरील पदाधिकारी तसेच निवडक संघप्रेरित विविध संघटनांचे प्रमुख पदाधिकारी यांची अखिल भारतीय स्तरावरचीपान समन्वय बैठकही आयोजित करण्यात आली आहे.
ही बैठक गुरुवारी व शुक्रवारी नागेशी येथे होणार आहे. सरसंघचालकांच्या उपस्थितीत राज्यातील स्वयंसेवक व विविध सामाजिक कार्यात सक्रीय असलेल्या निमंत्रितांसाठी एकत्रिकरण आयोजित करण्यात आले आहे.
हा कार्यक्रम 7 तारखेला कांपाल-पणजी येथील बांदोडकर मैदानावर संध्याकाळी पाच वाजता होणार आहे. यावेळी भागवत उपस्थितांना मार्गदर्शन करतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
