Santinez News : पणजी, सांतिनेज येथील हॉटेल शितलजवळील गटारातून घाण पाणी रस्त्यावर येऊ लागले आहे. ज्या बाजूने पाणी रस्त्यावर आले आहे, त्याच बाजूने सध्या गटाराचे काम सूरू आहे.
रविवार असल्याने कोणीही या घटनेची दखल घेतलेली नाही. परिसरातील नागरिकांना मात्र याचा त्रास सहन करावा लागला.
सांतिनेज मधील हमारा स्कूलजवळील वाय आकाराच्या रस्ता मार्ग असलेल्या ठिकाणी हॉटेल शितलजवळ घाणपाणी रस्त्यावर येत होते. सध्या हा परिसर विविध समस्यांमुळे गाजत आहे. अगोदरच या भागात सुरू असलेल्या कामांमुळे धुळीचा त्रास होत आहे.
दुचाकीस्वारांना आणि रस्त्याच्या बाजूच्या व्यावसायिकांन याबबत प्रचंड नाराज आहेत. गटारासाठी चर खोदकाम करण्यात आले आहे, परंतु ते काम गतीने पुढे जात नाही, अशी स्थिती आहे.
शितल हॉटेलजवळील वाय आकाराच्या मार्गावर मध्यभागी काही दिवसांपूर्वी मलनिस्सारणाच्या वाहिनी टाकण्याच्या कामामुळे झालेल्या खोदकामाचा वाहनधाराकांना बराच त्रास झाला होता.
याशिवाय अजूनही या मार्गावरील खड्डे व्यवस्थितरित्या बुजवलेले नाहीत. काही आठवड्यांपूर्वी अन्न व औषध प्रशासानाने शितल हॉटेलवर कारवाई केली होती. आता गटारातून रस्त्यावर येणारे घाण पाणी नक्की कोणाचे आहे, हे महानगरपालिकेला शोधावे लागणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.