केपे, लोकसभा निवडणूक तारीख जवळ येत चालली आहे, तसा प्रचाराला जोरदार सुरवात झाली असून सांगे मतदारसंघात भाजपने काँग्रेस पक्षावर सध्यातरी प्रचारात बरीच आघाडी घेतल्याचे दिसून येत आहे.
मंत्री सुभाष फळदेसाई यांनी कार्यकर्त्यांसह प्रचाराला जोरदार सुरुवात केली असून गुरूवारी ईदनिमित्त सांगे भागातील मुस्लिम बांधवांच्या घरी भेट देऊन त्यांना शुभेच्छा दिल्या.
सांगे हा भाजपचा बालेकिल्ला असून दहा हजार मतांची आघाडी मिळवून देणार असल्याचे फळदेसाई यांनी सांगितले.
धेंपेंचा आज सांगे दौरा
भाजपच्या पल्लवी धेंपे यांचा १३ एप्रिल रोजी सांगे मतदारसंघातील पंचायत क्षेत्रात दौरा असून यावेळी मुख्यमंत्री प्रमोद सावंत उपस्थित राहणार असून याच दिवशी भाजपपासून दूर गेलेले बरेच कार्यकर्ते पुन्हा एकदा भाजपमध्ये सामील होणार असल्याचे बोलले जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.