केपे : सांगे मतदारसंघाला यावेळी तरी मंत्रिपद द्यावे अशी मागणी सांगे भाजपा मंडळाने केली आहे. आज आठ मंत्र्यांची शपथविधी झाला असून यात सुभाष फळदेसाई यांचे नाव नसल्याने सांगे भाजपा मंडळाने नाराजी व्यक्त केली आहे.
सांगे मतदारसंघ भाजपाचा बालेकिल्ला असून पाच वेळा सांगेतून आमदार (MLA) निवडून दिला आहे पण अजूनपर्यंत मंत्रीपदापासून वंचित असल्याने यावेळी तरी मंत्रिपद मिळाले पाहिजे असे माजी आमदार वासुदेव गावकर यांनी सांगितले. सांगे मतदारसंघ भौगोलिक दृष्ट्या बराच मोठा असून अनुसूचित जमातीच्या लोकांचा अधिक भरणा असल्याने या मतदारसंघाचा सर्वांगीण विकास होणे अत्यंत गरजेचे आहे व यासाठी सांगेला मंत्रिपदाची आवश्यकता आहे असे गावकर यांनी सांगितले.
फोंडा (Ponda) तालुक्याला तीन मंत्रीपदे मिळाली असून सांगे (sanguem) मात्र मंत्रीपदापासून वंचित आहे उर्वरित तीन मंत्रीपदाच्या नावांची घोषणा झाली नसून यात सुभाष फळदेसाई यांचे नाव समाविष्ट करावे अशी आमची मागणी आहे असे जिल्हा पंचायत सदस्य सुरेश केपेकर यांनी सांगितले. सांगे मतदारसंघाला मंत्रिपद मिळाल्यास विकासकामे तशेच रोजगाराच्या समस्याही बऱ्याच प्रमाणात कमी होऊ शकतात असे केपेकर यांनी सांगितले. सांगे मतदारसंघातिल जनता भाजपच्या पाठीशी खंबीरपणे उभी राहिली असून याचे बक्षीस म्हणून यावेळी तरी सुभाष फळदेसाई (Subhash Phaldesai) यांना मंत्रिपद द्यावे अशी मागणी केपेकर यांनी केली आहे.
आज शपथविधी सोहळ्यात सांगेला मंत्रिपद मिळणार या आशेने शेकडो भाजपा (BJP) कार्यकर्ते शपथ विधी सोहळ्याला गेले होते पण सांगे मतडसरसंघाचे नाव मंत्रीपदाच्या यादीत नसल्याने आमची घोर निराशा झाली असे लोकांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
