ठरलं! गोव्यातून राज्यसभेसाठी सदानंद शेट तानावडे यांचे नाव निश्चित, कोअर कमिटीचा निर्णय

Sandnand Tanawade will be BJP official Candidate for Rajya Sabha Elections From Goa

गोव्यातून राज्यसभेसाठी भाजपचे विद्यमान प्रदेशाध्यक्ष सदानंद शेठ तानावडे यांच्या नावाची निश्चिती झाली आहे. कोअर कमिटीने तानावडे यांच्या नावावर शिक्कामोर्तब केला आहे. अशी माहिती समोर आली आहे.

विद्यमान राज्यसभा खासदार विनय तेंडुलकर यांची मुदत जुलैमध्ये संपत असल्याने त्या जागेवर कोणाला पाठवले जाणार? याबद्दल राज्यात जोरदार चर्चा सुरू आहे. त्या पार्श्वभूमीवर तानावडे यांच्या नावाची जोरदार चर्चा होती. दरम्यान, तानावडे यांच्या नावावर आज शिक्कमोर्तब झाला आहे.

यापूर्वी पक्षाने सांगितले आणि वरिष्ठ नेत्यांची इच्छा असेल, तर राज्यसभेची निवडणूक लढवेन. असे तानावडे यांनी स्पष्ट केले होते.

लोकसभेच्या दोन्ही जागा भाजप मोठ्या मताधिक्याने जिंकेल

तानावडे यांनी लोकसभेच्या दोन्ही जागा भाजप मोठ्या मताधिक्याने जिंकेल असा विश्वास मागे व्यक्त केला होता.

'पक्षात इतर पक्षातून काही नेते आले, तर त्याचा मतदानावर परिणाम होतोच असे नाही. पक्षाने केंद्रात गेल्या 9 वर्षांत पंतप्रधान नरेंद्र मोदी यांच्या नेतृत्वाखाली केलेला विकास, डॉ. प्रमोद सावंत यांनी केलेली प्रगती या आधारे राज्यातील जनता येत्या लोकसभा निवडणुकीत पक्षाच्या दोन्ही उमेदवारांना जनता भरघोस मतांनी विजयी करेल.' असे तानावडे म्हणाले होते.