Ponda : साकोर्डा पंचायत क्षेत्रातून मोठ्या प्रमाणात चिरेवाहतूक सुरू असल्याने स्थानिक लोकांमध्ये भीतीचे वातावरण पसरले आहे. सत्तरी भागात सुरू असलेल्या बेकायदेशीर चिरेखाणीतील वाहतूक साकोर्डा पंचायत क्षेत्रातून वळविण्यात येत असल्याने परिसरात अरुंद रस्त्यांवर अपघात घडण्याची शक्यता व्यक्त होत आहे.
सत्तरी आणि धारबांदोडा तालुके शेजारी असल्याने गेल्या काही महिन्यांपासून बेकायदेशीर चिरेवाहतुकीची वर्दळ वाढली आहे. सत्तरी भागातील ही वाहतूक साकोर्डा पंचायत क्षेत्रातून केली जात आहे. सदर वाहतूक शेळ-मेळावली ते कुंभारवाडा मार्गावरून होत असून सदर रस्ता अरुंद आहे. चिरे घेऊन सुसाट वेगाने धावणाऱ्या ट्रकांमुळे अपघात घडण्याची शक्यता वाढली आहे.
गोलमाल है भाई, सब गोलमाल है!
साकोर्डा पंचायत क्षेत्रात बेकायदेशीरपणे चिरेखाणी सुरू आहेत. परंतु परिसरात फेरफटका मारल्यास सदर चिरेवाहू ट्रक दोन्ही तालुक्यांच्या मध्यभागी असलेल्या गावातून वाहतूक करीत असल्याचे दिसून येते. दुसऱ्या तालुक्यातून चिरेवाहतूक करण्याचे कारण अजून स्पष्ट होत नसले तरी तर काहीतरी गोलमाल असल्याची चर्चा ग्रामस्थांत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.