शिवजयंतीच्या दिवशी सासष्टीतील सां जुझे द आरीयाल येथे शिवरायांच्या पुतळ्यावरुन वाद झाला. पुतळा उभारण्यासाठी आवश्यक परवानगी घेतली नसल्याचा आरोप स्थानिकांनी केला.
पुतळा अनावरण केल्यानंतर झालेल्या वादासंबधित 20 जणांविरोधात गुन्हा नोंद करण्यात आला आहे. याप्रकरणी गुन्हा मागे घेण्याची मागणी होत असून, वेळ्ळीचे आमदार क्रुझ सिल्वा यांनी याप्रकरणी मुख्यमंत्री डॉ. प्रमोद सावंत यांच्याकडे निवेदन सादर केले आहे.
शिवरायांच्या पुतळ्याचे आनावरण केल्यानंतर झालेल्या वादाप्रकरणी दाखल झालेल्या 20 जणांविरोधातील गुन्हे मागे घेण्यात यावेत. तसेच, 18 आणि 19 फेब्रुवारी रोजी झालेल्या घटनांची सखोल चौकशी केली जावी अशी, मागणी आमदार सिल्वा यांनी निवेदनाद्वारे केली आहे.
सां जुझे द आरीयाल येथे झालेला वाद कटाचा भाग होता, यामुळे गावातील सर्व धर्मीय लोकांमधील शांतता भंग होऊ नये यासाठी एकोप जपूया अशी भावना पाद्रीभाट येथे आयोजित सार्वजनिक सभेत उपस्थितांनी व्यक्त केली.
काही शक्ती गावातील शांतता भंग करण्याचा प्रयत्न करत आहेत असा आरोप देखील यावेळी काही जणांनी केला. सां जुझे द आरीयाल गावात शिवाजी महाराज पुतळा अनावरण वादानंतर 20 जणांविरुद्ध दंगलीचा गुन्हा नोंदण्यात आला होता.
त्या पार्श्वभूमीवर गुरुवारी (दि.22) संपूर्ण गाव ज्यांच्यावर गुन्हा नोंद झाला आहे, त्यांच्यासोबत आहे हे, दाखविण्यासाठी ही सभा बोलावली होती. यावेळी समर्थनार्थ मेणबत्ती मोर्चा काढला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.