साळगाव : रुग्णवाहिका चालकाची सासरवाडीत आत्महत्या

मुड्डीवाडा-साळगांव येथील रहिवासी नितीन गांवस (मूळ, बांदा-सिंधुदुर्ग ) या विवाहित तरुणाने शनिवारी राहात्या घरात गळफास घेऊन आत्महत्या केल्याची माहिती साळगांव पोलिस स्थानक सुत्रांनी दिली. (Goa Crime News Live)

मृत नितीन गांवस हा विवाहित होता आणि मुड्डीवाडा-सांळगांव येथील आपल्या सासरवाडीत राहात होता. तसेच आपत्कालीन सेवा देणाऱ्या 108 रुग्णवाहिकेवर तो चालक म्हणून कार्यरत होता. गेले अनेक दिवस त्याची मनस्थिती ठीक नव्हती. त्यामुळे त्याने नैराश्यातून आत्महत्या केल्याचा अंदाज पोलिसांनी व्यक्त केला आहे. शवचिकित्सेनंतर मृतदेह कुटुंबीयांच्या स्वाधीन करण्यात आल्याची माहिती पोलिस निरीक्षक लोकरे यांनी दिली.