पणजी: सेंट मायकल वाडा, हणजूण येथे बेकायदा घरात घुसून ब्रॉन्विन सिनारी कुटुंबीयांना घरातून हाकलून लावल्याप्रकरणी क्राईम ब्रँच पोलिसांनी गोकुळवाडी-साखळी येथील व्यायामशाळा प्रशिक्षक (जिम इन्स्ट्रक्टर) संशयित गौस खताल शेख याला अटक केली. त्यामुळे याप्रकरणी आतापर्यंत अटक केलेल्या संशयितांची संख्या सहा झाली आहे. आणखी काहीजणांना लवकरच अटक केली जाईल, अशी माहिती पोलिस अधीक्षक राहुल गुप्ता यांनी दिली.
या घटनेनंतर हणजूण पोलिसांनी घुसखोरीसाठी वापरण्यात आलेले तीन बाऊन्सर्स संशयित राकेश शहा, परशुराम गावस, विकी नाईक यांना अटक केली होती. हे प्रकरण गंभीर असल्याने ते क्राईम ब्रँचकडे वर्ग करण्यात आले. त्यानंतर मुख्य सूत्रधार जनार्दन खोराते व निखिल शिरोडकर याला अटक झाली होती. सध्या हे सर्वजण सशर्त जामिनावर आहेत.
सिनारी कुटुंबियांना घरातून बाहेर काढण्याचा तसेच त्यांच्या मोलकरणीचे अपहरण करण्याचा गुन्हा ८ फेब्रुवारी २०२५ रोजी घडला होता. विळा व कोयता घेऊन आलेल्या या बाऊन्सर्सनी घराचा मुख्य दरवाजा तोडून घरात प्रवेश केला. कॅनडास्थित मायकल पीटर या विदेशीच्या मालकीच्या घरात तक्रारदार ब्रॉन्विन सिनारी, तिचे पती राजेंद्र सिनारी व कुटुंबीय वास्तव्यास होते. घटनेवेळी आपण मालमत्तेचा मुखत्यारपत्रधारक (पॉवर ऑफ अॅटर्नी) असल्याचा दावा करीत संशयित जनार्दन खोराटे याने १५ ते २० लोकांच्या सहाय्याने घरात घुसखोरी केली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
