मडगावातील एका स्टेशनरी दुकानाला आज बुधवारी पहाटे पाचच्‍या सुमारास आग लागली. त्‍यात संपूर्ण दुकान जळून खाक झाले. जवळच्‍या दुकानालाही आगीच झळ बसली. या दुर्घटनेत लाखो रुपयांचे नुकसान झाल्‍याचे समजते. सज्जन नाईक यांच्या मालकीचे हे दुकान आहे.
मिळालेल्‍या माहितीनुसार, लोयोला हायस्कूलच्या मागे हे गिफ्‍ट-कम स्‍टेशनरीचे दुकान आहे. आगीत दुकानातील सर्व साहित्‍य जळून खाक झाले.
माहिती मिळताच मडगाव अग्निशमन दलाने घटनास्‍थळी तातडीने धाव घेतली, पण दुकानाचे शटर बंद होते. त्यामुळे मालक येईपर्यंत दलाला थांबावे लागले. नंतर दुकानाचे शटर उघडले असता वारा आत घुसल्‍याने आग अधिकच फैलावली व दुकान आगीच्‍या भक्ष्‍यस्‍थानी पडले.
ही आग कशामुळे लागली हे अजून स्पष्ट झालेले नाही, असे अग्निशमन दलाचे प्रमुख गिल सौझा यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
