Goa Rationing Scam: एफआयआर रद्द करण्यासाठीची याचिका सचिन नाईककडून मागे

Goa Rationing Scam: धान्यसाठा घोटाळा प्रकरणी दाखल केलेली एफआयआर रद्द करण्यासाठी या प्रकरणातील संशयित सचिन नाईक याने उच्च न्यायालयात याचिका दाखल केली होती. दरम्यान आज संशयित सचिन नाईक याने ही याचिका मागे घेतली. संशयिताविरुद्ध क्राईम ब्रँचने तीन वेगवेगळे गुन्हे नोंद केले आहेत.

गोव्यात नुकत्याच गाजलेल्या तूरडाळ आणि साखर घोटाळ्यानंतर गोव्यात तांदुळ आणि गव्हाचा घोटाळा समोर आला. गोवा अन्न पुरवठा खात्याच्या गोदामातून तांदूळ आणि गव्हाची चोरी केली जात असल्याचा धक्कादायक प्रकार उघडकीस आला. राज्यात रेशनदुकानांवर वितरणासाठी आलेल्या धान्याची शेजारच्या कर्नाटक राज्यात नेऊन विक्री होत असल्याचं तपासातून स्पष्ट झालं होतं.

गुप्त माहितीच्या आधारे अन्नपुरवठा खात्याच्या अधिकाऱ्यांनी छापा टाकत पणजी, सांगे आणि कुंडईतील गोदाम सील केली. इतकंच नाही तर ट्रक आणि मालवाहू रिक्षाही पोलिसांनी जप्त केली. तसेच तब्बल 722 टन धान्य जप्त करण्यात आले.