दाबोळी: सांकवाळ (Sancoale) येथील सामाजिक आणि आरटीआय (RTI) कार्यकर्ते नारायण दत्ता नाईक यांच्यावर आज शनिवारी दुपारी दोघांनी लोखंडी सळीने प्राणघातक हल्ला केला. हल्लेखोरांनी बुरखा घातला होता. या हल्ल्यात नाईक गंभीर जखमी झाले असून उपचारांसाठी त्‍यांना गोमेकॉत (GMC) दाखल करण्‍यात आले आहे. दक्षिण गोवा (South Goa) जिल्हा भाजप अध्यक्ष तुळशीदास नाईक यांचे ते बंधू आहेत.
सदर प्रकार दुपारी बाराच्या सुमारास घडला. नारायण नाईक कामानिमित्त सांकवाळ पंचायतीत गेले होते. तेथील काम आटोपून आपल्या गाडीकडे येत असताना दोघांनी त्‍यांच्यावर हल्ला केला. विशेष म्‍हणजे पाऊस नसतानाही हल्लेखोर रेनकोट घालून आले होते. तसेच त्यांनी आपला चेहरा पूर्ण झाकला होता. त्यामुळे हल्लेखोर कोण, हे समजू शकले नाही. या हल्ल्यात नाईक यांच्‍या डोक्‍याला गंभीर दुखापत झाली असून, उजवा पाय फ्रॅक्चर झाला आहे. यावेळी नाईक यांच्यासोबत त्यांचा एक मित्र होता. त्याने हल्लेखोरांना रोखण्‍याचा प्रयत्‍न केला, पण बंदूक काढून दाखवताच तो मागे सरला. याच संधीचा फायदा घेत हल्लेखोर आपल्या दुचाकीवरून पसार झाले. हल्ल्याचे कारण अद्याप स्‍पष्‍ट झालेले नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
