राष्ट्रीय स्वयंसेवक संघाचे सरसंघचालक डॉ. मोहन भागवत गोव्यात येत आहेत. 2 ते 7 जानेवारी दरम्यान गोव्यात राष्ट्रीय स्वयंसेवक संघाचे राष्ट्रीय अधिवेशन आयोजित करण्यात आले आहे. या अधिवेशनात संघ परिवारातील कार्यकर्त्यांना मार्गदर्शन करण्यासाठी डॉ. भागवत येत आहेत.
राष्ट्रीय स्वयंसेवक संघाचे राष्ट्रीय अधिवेशन २ ते ७ दरम्यान फोंडा तालुक्यातील नागेशी येथे होत असून या निमित्ताने विविध कार्यक्रमांचा आयोजन केल्याची माहिती संघाचे अखिल भारतीय प्रचार प्रमुख सुनील आंबेकर यांनी दिली आहे.
आंबेकर म्हणाले, २ ते ४ जानेवारी दरम्यान संघाशी संबंधित विविध पदाधिकाऱ्यांच्या बैठका नागेशीत होतील. ५ आणि ६ जानेवारीला संघ परिवाराच्या राष्ट्रीय समन्वय समितीची बैठक होईल. यात (RSS) सरसंघसंचालक डॉ. मोहन भागवत, सहकार्य दत्तात्रेय होसबाळे, विश्व हिंदू परिषदेचे मिलिंद परांडे, अखिल भारतीय विद्यार्थी परिषदेचे आशिष चौहान, भारतीय मजदूर संघाचे बी सुरेंद्रन, भारतीय जनता पार्टीचे बी. एल. संतोष याशिवाय विद्याभारती, भारतीय किसान संघाचे राष्ट्रीय पदाधिकारी या बैठकींना उपस्थित असतील. ७ जानेवारी रोजी सरसंघचालक डॉ. भागवत संघ परिवारातील कार्यकर्त्यांना मार्गदर्शन करतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.