पणजी : नोंदणी नसलेल्या उपक्रमांमुळे राज्यातील पर्यटन क्षेत्राचे नुकसान होत आहे. जलक्रीडासारख्या उपक्रमांची पर्यटन व्यावसायिक नोंदणी टाळत असल्याने राज्य सरकारचा महसूल बुडत होता, तसेच बेकायदेशीर गोष्टीही वाढत होत्या. आता पर्यटन उद्योगात सुसूत्रता येण्यासाठी केलेल्या नव्या कायद्यामुळे असे व्यवहार होणार नाहीत, असे मत पर्यटनमंत्री रोहन खंवटे यांनी व्यक्त केले. पर्वरीतील मंत्रालयात ते पत्रकारांशी बोलत होते.
व्यवसाय सुलभतेबाबत पर्यटन खात्याची नवीन अधिसूचना नोंदणी प्रक्रिया सुलभीकरण आणि कमी कागदपत्रांसह ऐतिहासिक आहे. पूर्वी अर्जदार नोंदणी प्रक्रियेसाठी वेळ वाया घालवायचे आणि त्यामुळेच लोक त्यांच्या व्यावसायिक क्रियाकलापांची नोंदणी टाळत होते. खात्याकडे त्यांच्या उपक्रमांची नोंदणी करण्यासाठी त्यांना 15 दिवसांचा अवधी दिला असल्याचे खंवटे यांनी स्पष्ट केले.
व्यापार करण्यास कोणतीही अडचण येणार नाही, परंतु पर्यटन उद्योगाशी संबंधित उपक्रमांची नोंदणी केली नाही, दंड आणि साहित्य जप्त केले जाईल, असा इशारा खंवटे यांनी दिला.
पर्यटन सेवा कागदपत्रे कमी करण्याचा निर्णय
राज्य सरकारने या आठवड्यात व्यवसाय सुलभतेच्या दृष्टिकोनातून नोंदणी, नूतनीकरणाची प्रक्रिया सुलभ करून विविध पर्यटन सेवांचे कागदपत्रीय दस्तावेज कमी केले आहेत. नवीन नोंदणी, नूतनीकरणासाठी सध्या आवश्यक असलेल्या विविध पर्यटन सेवांशी संबंधित कागदपत्रे, सुधारित कागदपत्रे तर्कसंगत करण्याचा आणि कमी करण्याचा निर्णय घेण्यात आला आहे, असे पर्यटन खात्याच्या आदेशात नमूद करण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
