Goa Election: कुंभारजुवेमधून रोहन हरमलकर अपक्ष लढणार

पणजी: भाजपने आज (बुधवार) दुसरी उमेदवारी यादी जाहीर केली. 34 उमेदवारांची भाजपची पहिली यादी जाहीर झाल्यानंतर उरलेल्या 6 जागांसाठी कुणाला उमेदवारी मिळणार याकडे संपूर्ण राज्याचे लक्ष लागून राहिले होते. उमेदवारी न मिळाल्याने काही नेत्यांनी नाराज होऊन पक्षाला रामराम ठोकला होता. यामध्ये प्रामुख्याने माजी मुख्यमंत्री लक्ष्मीकांत पार्सेकर (Laxmikant Parsekar) आणि उत्पल पर्रीकर (Utpal Parrikar) यांचा समावेश होतो. (Goa Election Cumbarjua Rohan Harmalkar Latest News)

यातच आता भाजपकडून (BJP) तिकीट नाकारण्यात आल्याने रोहन हरमलकर कुंभारजुवें मतदारसंघातून अपक्ष उमेदवार म्हणून आगामी विधानसभा निवडणूक लढवणार आहेत. कुंभारजुवे येथून जेनिता पांडुरंग मडकईकर यांना उमेदवारी देण्यात आली आहे.

काही दिवसांपूर्वी भाजपने आपली पहिली उमेदवार यादी जाहीर केली होती. यामध्ये 40 मतदारसंघांपैकी 34 मतदारसंघांसाठी उमेदवार जाहीर करण्यात आले होते. त्यावेळी त्या यादीने गोव्याच्या राजकारणात अत्यंत खळबळ माजवली होती.