Marcel News: माशेलातील रस्त्यांचे लवकरच डांबरीकरण करणार : गावडे

Marcel News : माशेल पंचक्रोशीतील सर्व रस्त्यांचे लवकरच डांबरीकरण करण्यात येणार आहे. त्यामुळे भूमिगत वीज वाहिन्यांसाठी खणलेले रस्ते दुरुस्त होणार आहे.

ग्रामस्थांनी कोणत्याही प्रकारच्या भूमिगत वाहिन्यांची जोडणी घ्यायची असेल तर रस्त्यांच्या डांबरीकरणाचे काम हाती घेण्यापूर्वी करावी.

त्यानंतर पुन्हा रस्ते फोडले जाणार नाही, असे मंत्री गोविंद गावडे यांनी माशेलात विकास कामांच्या उद्‍घाटनप्रसंगी स्पष्ट केले.

यावेळी जिल्हा पंचायत सदस्य श्रमेश भोसले, सरंपच विशांत नाईक, जयेश नाईक व इतर पंच उपस्थित होते.

जलवाहिनी जोडण्यासाठी वारंवार रस्ते मधोमध तोडले जातात. शिवाय इतरही कामासाठी रस्ते खणले जातात.

यंदा डांबरीकरण झाल्यानंतर दोन वर्षे तरी रस्ते पुन्हा खोदण्यात, तोडफोड करण्यावर बंदी घातली जाणार आहे.

कारण सर्व रस्ते दुरुस्ती करून डांबरीकरण केले जाणार आहे. एकदा डांबरीकरण केलेले रस्त्यावर पुन्हा वेगवेगळ्या वाहिन्यांसाठी खोदकाम करणे चुकीच आहे.

आपल्याकडे काही दिवस आहे, जर का आपल्याला एखादी भूमिगत वाहिनी हवी असेल, टाकायची असेल तर त्यांची तरतूद महिनाभरात करावी, असे आवाहनही मंत्री गावडे यांनी आज केले.