Panjim News : पणजी शहराजवळील नेवगीनगर येथून ताळगावकडे जाणाऱ्या रस्त्याची खड्ड्यांमुळे अक्षरश: चाळण झाली होती. मलनि:स्सारण, जलवाहिनी, भूमिगत वाहिन्‍या टाकण्याच्या कामानंतर रस्त्याची डागडुजी व्यवस्थित झाली नव्हती. त्‍यातच पावसामुळे हा रस्ता खड्डेमय झाला होता. याबाबत ‘गोमन्तक’ने वृत्त प्रसिद्ध करताच सार्वजनिक बांधकाम खात्याला जाग आली आणि या रस्‍त्‍याच्‍या दुरुस्‍तीचे काम हाती घेण्‍यात आले.
नेवगीनगर-ताळगाव हा रस्ता भाटले येथून जातो. या मार्गावर रात्री उशिरापर्यंत वाहतूक असते. ताळगावातून बसस्थानकाकडे जाण्यासाठी हा मार्ग सोयीचा आणि जवळचा आहे. त्यामुळे अवजड आणि लहान-मोठी वाहने दिवस-रात्र येजा करीत असतात. अरुंद असलेल्या या मार्गावर अनेकदा वाहतूक कोंडी होत असते.
मध्यंतरी या रस्‍त्‍याखालून भूमिगत मलनि:स्सारण वाहिनी व जलवाहिनी टाकण्याचे काम करण्यात आले. पावसापूर्वी हे काम पूर्ण झाले, पण त्यानंतर रस्त्याची डागडुजी व्यवस्थित झाली नाही. त्यामुळे पावसामुळे रस्ता उखडला गेला आणि खड्डेच खड्डे झाले. रस्‍त्‍याचा मशिदीसमोरील भाग तर अपघातांना निमंत्रण देणाराच ठरला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.