Goa News: रिओ मार्टिना 3’ बार्ज बुडाली, 8 क्रू मेंबर्सना वाचविण्यात यश

मुरगाव बंदर प्राधिकरणाच्या बाहेरील अँकरेजमध्ये ‘रिओ मार्टिना 3’ ही बार्ज काल बुडाली. मात्र, दुसऱ्या बार्जकडून मिळालेल्या मदतीमुळे या बार्जमधील 8 क्रू मेंबर्सना वाचवण्यास यश मिळाले.
Goa News |Rio Martina 3
Goa News |Rio Martina 3Dainik Gomantak

Goa News: मुरगाव बंदर प्राधिकरणाच्या बाहेरील अँकरेजमध्ये ‘रिओ मार्टिना 3’ ही बार्ज काल बुडाली. मात्र, दुसऱ्या बार्जकडून मिळालेल्या मदतीमुळे या बार्जमधील 8 क्रू मेंबर्सना वाचवण्यास यश मिळाले. बार्जमध्ये 500 टन बॉक्साईट माल होता. बार्जसहित तोही समुद्रात बुडाला.

ही घटना काल संध्याकाळी 6 च्या दरम्यान घडली. ‘रिओ मार्टिना 3’ या बार्जमध्ये मुरगाव बंदरात खोल समुद्रात जहाजातून माल भरला जात होता. परंतू मध्येच जोरदार वाऱ्यामुळे खवळलेल्या समुद्रात अडचणींचा सामना करावा लागला.

यावेळी जवळच उभ्या असलेल्या बार्जवरील क्रू मेंबर्सना सदर बार्ज संकटात असल्याचे समजले. त्यांनी ‘रिओ’ बार्जवरील क्रू मेंबर्सना बार्जमधून बाहेर काढले.

तीव्र वारा आणि जोरदार प्रवाहामुळे बार्ज नादुरूस्त होऊन इंजिनमध्ये बिघाड झाला होता. संबधित बार्ज रेमंड डिसा यांच्या मालकीची होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com