रिचा गोवेकर हिचा "पतंजली योग समिती- सांखळी" तर्फे गौरव..!

साखळी: पतंजली (Patanjali) योग समिती सांखळीतर्फे रवींद्र भवन- सांखळी येथे अवघ्या 21 व्या वर्षी कमर्शियल (Commercial) पायलटचे प्रशिक्षण पूर्ण केलेल्या सांखळी येथील कु.रिचा लवू गोवेकर हिचा गौरव करण्यात आला.

सांखळी येथील रिचाने वयाच्या केवळ 21 व्या वर्षी कमर्शियल विमान पायलट होण्याचा मान मिळविला. चिकाटी आणि अभ्यासात केलेल्या परिश्रमामुळे या पदापर्यंत मजल मारली. आजच्या मुलांनी आपल्या आवडीप्रमाणे शिक्षण घेऊन आपले व पालकांचे नाव करणे असे उदगार शांताराम काणेकर यांनी काढले.

यावेळी योगसेवा मंगल प्रतिष्ठानचे अध्यक्ष संदेश बारजणकर, योग प्रशिक्षक योगसेवा समिती सांखळीचे अध्यक्ष शांताराम काणेकर, सम्राट क्लबचे कृष्णा गावस, रिचाचे वडील लवू गोवेकर, आई हेतल गोवेकर व योग साधक उपस्थित होते.शांताराम काणेकर यांच्याहस्ते रिचा हिचा स्मृतिचिन्ह देऊन गौरव करण्यात आला.

संदेश बारजणकर यांनीही यावेळी आपले विचार व्यक्त करून कु.रिचा हिस शुभेच्छा दिल्या.