पणजी: रायबंदर ते ओल्ड गोवा मार्गादरम्यानचा रास्ता पुढील काही दिवस केवळ एकेरी वाहतुकीसाठी खुला राहणार आहे. सेंट पेड्रो कडून ओल्ड गोवाकडे जाणारी वाहतूक शनिवार, 15 ते 21 जानेवारी दरम्यान “वन वे” असेल. ऑप्टिक फायबर केबल्सचे काम सुरू असल्याने रस्ता खोदकाम सुरू आहे. याबाबतचा आदेश उत्तर गोव्याचे जिल्हाधिकारी अजित रॉय यांनी जारी केला आहे असून, इमॅजिन पणजी (Panjim) स्मार्ट सिटी डेव्हलपमेंट लिमिटेड (IPSMDL) ने जिल्हाधिकाऱ्यांना पत्र लिहून सुमारे 1.5 किमी लांबीचे काम करण्यासाठी या रस्त्यावरील वाहतूक वळविण्याची परवानगी मागितली आहे. (Ribandar to Old Goa road to be one-way for week)
संबंधित आदेश उत्तर गोव्याचे (Goa) जिल्हाधिकारी अजित रॉय यांनी जारी केला आहे.
पणजी स्मार्ट सिटी डेव्हलपमेंट लिमिटेड (IPSMDL) ने जिल्हाधिकाऱ्यांना पत्र लिहून सुमारे 1.5 किमी लांबीचे काम करण्यासाठी या रस्त्यावरील वाहतूक वळविण्याची परवानगी मागितली आहे. आदेशात, जिल्हाधिकार्‍यांनी कंत्राटदाराला वाहतुकीचे नियमन करण्यासाठी त्यांचे स्वतःचे ट्रॅफिक मार्शल तैनात करण्यास सांगितले आहे तसेच या रस्त्यावर आणि पदपथावर पार्किंग न करण्याचे आदेश दिले आहेत; रात्रीच्या वेळी होणारे अपघात टाळण्यासाठी बांधकामाच्या ठिकाणी लाल दिवे/लाइट लावणे आणि इतर सूचनांचे पालन करण्याबरोबरच सर्व ठिकाणी प्रमुख ठिकाणी “मेन अ‍ॅट वर्क” असा साईन बोर्ड लावणे बंधनकारक असणार आहे.
रस्त्याचा वापर करणाऱ्यांना आणि वाहनधारकांना अडथळा निर्माण करणारे बांधकाम साहित्य रस्त्यावर टाकू नये, तसेच काम करताना कोणत्याही घर किंवा वसाहतीकडे जाण्यासाठी अप्रोच रस्ता अडवणार नाही याची काळजी घेण्यास तसेच तात्पुरता मार्ग बांधण्यासाठी कंत्राटदाराला सांगण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
