Manoj Parab: लाईव्ह व्हिडिओत अश्रू अनावर झालेले मनोज परब म्हणतात 'मला माफ करा'

Manoj Parab: पक्षाची प्रतिमा खराब करण्यासाठी विरोधकांकडून प्रयत्‍न सुरू आहेत. पण कार्यकर्त्यांनी विचलित होऊ नये. पक्षाच्‍या कार्यकर्त्यांचे योगदान एक ना एक दिवस तरी गोमंतकीयांना आठवेल, असे आवाहन करणारा व्हिडिओ ‘आरजी’चे सुप्रीमो मनोज परब यांनी केले. यावेळी परब यांना अश्रू अनावर झाले.

मनोज परब यांचा हा व्हिडिओ सोशल मिडियावर मोठ्या प्रमाणावर व्हायरल झाला. यानंतर परब यांनी आज (शुक्रवारी) फेसबुकवरती एक पोस्ट शेअर करत माफी मागितली आहे.

"लाईव्ह सुरु असताना मी भावूक झालो यासाठी मला माफ करा, मला माझ्या आरजी पक्षाचे कुटुंब मजबूत हवंय", अशी पोस्ट परब यांनी शेअर केली आहे.

दरम्यान, परब यांनी गुरुवारी लाईव्ह व्हिडिओत पक्ष, पक्षाकडील शिल्लक पैसे यासह विविध विषयांवर भाष्य केले.

पक्षाच्या खात्यात सध्या केवळ दीड लाख रुपये शिल्लक आहेत. पक्षाच्‍या कार्यालयाचे तीन महिन्यांचे भाडे थकलेले आहे. सभा, बैठकांमध्‍ये कार्यकर्त्यांना नाश्ता, चहा द्यायलाही पक्ष असमर्थ आहे आणि हीच वेदनादायक बाब आहे, असे मनोज परब म्हणाले.