Hill Cutting: ताळगावात डोंगरकापणी केलेला परिसर पूर्ववत करा!

Hill Cutting: डिसेंबरपर्यंत मुदत: न झाल्यास ‘सुरक्षा ठेव’ जप्त
Illegal Hill Cutting
Illegal Hill CuttingDainik Gomantak

Hill Cutting: बेकायदा डोंगरकापणी केलेला परिसर पूर्ववत करण्यासाठी बंगल्याचा मालक इस्टोनिया फ्रांसिस्को आल्मेदा याला मुंबई उच्च न्यायालयाच्या गोवा खंडपीठाने शेवटची दोन महिन्यांची मुदत दिली आहे. या मुदतीत काम पूर्ण न झाल्यास मालकाने कामासाठीची जमा केलेली 10 लाखांची सुरक्षा ठेव रक्कम जप्त करण्यात येईल.

Illegal Hill Cutting
Illegal Liquor Seized: गुजरातला दारू नेणाऱ्या दोघांना मडगाव रेल्वेस्थानकावर अटक

तसेच कायदेशीर कारवाई केली जाईल, असा इशाराही दिला आहे. पुढील सुनावणी 15 जानेवारीला ठेवली आहे.

ताळगाव येथील बेकायदा डोंगरकापणीप्रकरणी ताळगावचे रहिवासी तथा माजी महापौर टोनी रॉड्रिग्ज यांनी उच्च न्यायालयात याचिका सादर केली होती. बंगल्यासाठी तेथील डोंगराची कापणी केल्याचे निदर्शनात आणल्यानंतर खंडपीठाने गंभीर दखल घेतली होती.

उच्च न्यायालयाने इस्टोनिया आल्मेदा यांना डोंगरकापणी केलेल्या परिसर पूर्वी होता त्या स्थितीत करण्याचे निर्देश दिले होते. त्यांना 30 ऑक्टोबरची मुदत दिली होती.

अहवाल द्या!

उत्तर गोवा नियोजन आणि विकास प्राधिकरण ‘एनजीपीडीए’ने डोंगरकापणी केलेला परिसर पूर्ववत करण्यासाठी तयार केलेल्या आराखड्यानुसार ते काम करावे. या कामाचा प्राधिकरणाने महिन्यानंतरआढावा घ्यावा व त्यानंतर 8 जानेवारी 2024 पर्यंत कामासंदर्भात अहवाल खंडपीठाला सादर करावा, असे आदेशात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com