Ashtami Ferry Goa: राजधानी पणजीत मांडवीच्‍या तीरावर भरलेल्‍या अष्टमीच्या फेरीला मोठी गर्दी झाली होती. गोमंतकीयांबरोबरच देशी-विदेशी पर्यटकही खरेदी करताना दिसून आले आहेत. या फेरीत लोक घरगुती उत्पादने आणि इतर अनेक वस्तू खरेदी करत होते .
दरवर्षी पणजीत अष्टमीची फेरी भरते. या फेरीत कपडे, भांडी, फर्निचर, हर्बल औषधांपासून ते खाद्यपदार्थांची मोठ्या प्रमाणात विक्री होते.
शौचालय व्यवस्थेकडे महापालिकेचे दुर्लक्ष
मांडवी किनारी 400 दुकानांची उभारणी झाली, अष्टमीची फेरी भरली, व्यवहार सुरू झाले, पण फेरी सुरू होण्यापूर्वी ज्या सुविधा येथे उपलब्ध करून द्यायला हव्या होत्या, त्या महानगरपालिकेने दिलेल्या नाहीत.
चारपट भाडेपट्टी घेऊनही महानगरपालिका व्यवस्थापनाला येथे व्यावसायिकांच्या सोयीसाठी शौचालयांची आणि पिण्याच्या पाण्याची सोय उपलब्ध करता आली नाही. त्यामुळे येथील व्यावसायिकांनी तक्रारी केल्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
