डिचोली : जवळपास आठवडाभर डिचोली भागात कालव्यात अडकलेल्या म्हशींची अखेर सुखरुप सुटका करण्यात आली आहे. सोमवारी संबंधित मालकानेच म्हशींना कालव्यातून सुखरुप बाहेर काढले. मात्र गेले आठ दिवस म्हशी कालव्यात अडकल्याने मालकही चिंतेत होता. आपल्या म्हशी कालव्यात अडकल्याची माहितीच नसल्याने मालकाने म्हशींचा बराच शोध घेतला. अखेर एका तरुणाच्या मदतीने म्हशींची सुटका करण्यात मालकाला यश आलं.
डिचोलीतील (Bicholim) व्हाळशी भागातून गेलेल्या आणि सध्या कोरडा असलेल्या कालव्यात दोन म्हशी गेल्या आठवडाभरापासून अडकून पडल्या होत्या. त्या बाहेर येण्यासाठी धडपडत होत्या. हा प्रकार व्हाळशी येथील एका युवकाने पाहिला आणि त्याने या कालव्यात (Canal) अडकलेल्या म्हशींच्या मालकाचा शोध घेण्यास सुरुवात केली. मालकही म्हशींच्या शोधात होता मात्र कालव्यात अडकल्याने म्हशी मालकाला दिसल्या नव्हत्या.
मालकाचा शोध घेत असताना युवकाला या म्हशी (Buffelo) लाखेरे-डिचोली येथील संदीप ताटे यांच्या असल्याचे समजले. म्हशी कालव्यात अडकल्याची माहिती मिळताच सोमवारी सकाळी म्हशीच्या मालकाने कालव्याच्या ठिकाणी धाव घेतली आणि म्हशी कालव्याबाहेर काढल्या. मात्र म्हशींची सुटका होईपर्यंत म्हशी व्हाळशीहून बऱ्याच दूर पोचल्या होत्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.