जुन्ता हाऊस या सरकारी संकुलाच्या लिफ्टमध्ये गुरुवारी सकाळी दोन कामगार (सध्या रा. बेती) अडकल्याची घटना घडली. तासाभराने अग्निशमन दलाच्या जवानांनी त्यांना बाहेर काढले. परंतु अनेक कारणांनी जुन्ता हाऊसमधील लिफ्ट चर्चेत राहिली आहे, आता आणखी एका विषयाची भर यात पडली आहे.
आषाढी एकादशी आणि बकरी ईदमुळे कार्यालयास सुटी असल्याने या इमारतीकडे कोणी फिरकत नाही. बाहेर पाऊस असल्याने परंतु वरच्या मजल्यावर झोपण्यासाठी लिफ्टने निघालेले दोन कर्मचारी लिफ्ट बंद पडल्याने आत अडकून पडले. लिफ्टमध्ये अडकल्याची माहिती अग्निशामक दलाला मिळाल्यानंतर त्यांनी अर्धा-पाऊण तासाच्या प्रयत्नानंतर त्यांना बाहेर काढले.
जवानांची कसरत !
अग्निशामक दलाचे जवान संतोष भोमकर यांनी सांगितले की आम्हाला कॉल आल्यानंतर आम्ही येथे पोहोचलो. लिफ्टचा स्वीच ऑफ असल्याने वर जाऊन केबिनधील स्वीच चालू करावा लागला. तरीही लिफ्ट हलत नव्हती. लिफ्टचा दरवाजा उघडत नसल्याने अडकलेल्यांना बाहेर काढताना जवानांना कसरत करावी लागली.
वरच्या मजल्यावर राहतो कोण ?
बंद लिफ्टमधून बाहेर काढलेल्या कर्मचाऱ्यांची स्थिती पाहिल्यानंतर त्यांनी मद्यपान केले असावे, असे स्पष्ट होते. त्यांच्या म्हणण्यानुसार इमारतीच्या शेवटच्या मजल्यावर जे राहतात, त्यांच्याकडे आम्ही जात होतो. आता या इमारतीत वरच्या मजल्यावर कोण राहतो, आणि त्यास राहण्यास कोणी परवानगी दिली, हा एक संशोधनाचा विषय ठरला आहे. सरकारी कार्यालये बंद असल्याने याबाबत कोणाला विचारणाही करता आली नाही. काही महिन्यांपूर्वी गोवा फॉरवर्डचे शिष्टमंडळ नागरी पुरवठा खात्यात निवेदन देण्यास गेले होते, तेव्हा हे शिष्टमंडळ लिफ्टमध्ये अडकून पडले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.