पणजी: राज्य सरकारने पर्यटन क्षेत्रात सुसूत्रता आणण्याकरिता सर्व व्यावसायिकांना नोंदणी व नुतनीकरण सक्तीचे केले आहे. अनेकजण व्यवसायाची नोंदणी करत नाही व नोंदणीची मुदत संपल्यानंतर त्याचे नुतनीकरण करत नाही अशा व्यावसायिकांविरुद्ध कारवाई करण्यासाठी ठोस पावले उचलण्यात आली आहेत. या कारवाईसाठी अधिकाधिक एक लाख रुपयांचा दंड ठोठावण्यात येणार असल्याची नोटीस पर्यटन खात्याने जारी केली असून 30 जूनपर्यंत मुदत देण्यात आली आहे.
राज्यात कोविड काळात पर्यटन व्यवसायावर मोठा परिणाम झाल्याने राज्य सरकारने त्याकडे दुर्लक्ष केले होते. मात्र, आता पर्यटन व्यवसाय सुरळीत सुरू झाला असला, तरी अनेकांनी बेकायदेशीरपणे व्यवसाय सुरूच ठेवला आहे. गोवा पर्यटन व्यापार नोंदणी कायद्यानुसार पर्यटन संबंधित असलेला व्यवसाय सुरू करणाऱ्यांना त्याची नोंदणी पर्यटन खात्याकडे करणे सक्तीचे आहे. त्यामध्ये हॉटेल, ट्रॅव्हल एजंट, टूर ऑपरेटर, मोटार बोट व लाँच, जलक्रीडा ऑपरेटर्स, हस्ककला डिल, टुरिस्ट गाईड, फोटोग्राफर, सरकारी शॅक, खासगी शॅक, खासगी कुटीरे, डेकबेडस् व छत्र्या, ॲडव्हेंचर स्पोर्टस्, स्पाईस प्लांटेशन, ऑनलाईन सेवा पुरवठादार यांचा यामध्ये समावेश आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
