कवळे येथे विहिरीत पडले दुर्मिळ खवले मांजर, वन्यजीव बचावकर्त्यांनी केले उपचार

Rare India Pangolin rescued in Kavlem Ponda

दुर्मिळ असणारे खवले मांजर कवळे येथे विहिरीत पडल्याने जखमी झाले. वन्यजीव बचावकर्त्यांनी मांजराला बाहेर काढून त्याच्यावर यशस्वी उपचार करून त्याला पुन्हा नैसर्गिक अधिवासात सोडले. चरण देसाई आणि त्यांच्या टीमने हे बचावकार्य केले.

जखमी अवस्थेत सापडलेल्या या खवले मांजरावर वैद्यकीय तज्ञांनी उपचार केले व काहीकाळ निरीक्षण करून पुन्हा नैसर्गिक अधिवासात सोडले.

कवळे येथे विहिरीत खवले मांजर पडल्याची माहिती वन्यजीव बचावकर्ते चरण देसाई आणि त्यांच्या टीमला मिळाली. देसाई यांच्यासह अंकित गावडे, गायत्री भालके आणि मधुराज नाईक हे सर्व घटनास्थळी दाखल झाले. दरम्यान, एक तास घटनास्थळी मांजराला बाहेर काढण्याचे प्रयत्न सुरू होते.

अखेर त्याला सुखरूप बाहेर काढण्यात आले, पण ते जखमी असल्याने त्याला वैद्यकीय उपचारांची गरज होती. वैद्यकीय उपचार केल्यानंतर मांजराला काहीकाळ निरीक्षणखाली ठेवण्यात आले.

यशस्वी उपचारानंतर मांजराला सुखरूपपणे त्याच्या नैसर्गिक अधिवासात सोडण्यात आले. 30 जून रोजी ही घटना घडली.