लोकसभेत हिंदूविषयी काँग्रेस नेते राहुल गांधी यांनी केलेल्या वक्तव्याचे पडसाद गोव्यातही उमटले. भाजयुमोच्यावतीने काँग्रेस भवनावर सायंकाळी ४ च्या सुमारास मोर्चा काढीत कार्यकर्त्यांनी राहुल गांधी यांचा निषेध केला. त्याचबरोबर त्यांच्या प्रतिकात्मक पुतळ्याचे दहन केले.
या आंदोलनात आमदार केदार नाईक, आमदार संकल्प आमोणकर, आमदार प्रेमेंद्र शेट, आमदार दाजी साळकर, आमदार उल्हास तुयेकर, आमदार रुडाल्फ फर्नांडिस यांच्यासह भाजयुमोचे कार्यकर्ते सहभागी झाले. भाजपच्या प्रदेश कार्यालयापासून मोर्चाने येऊन काँग्रेस कार्यालयासमोर आंदोलकांनी राहुल गांधी यांच्या निषेधाच्या घोषणा दिल्या.
याप्रसंगी आमदार नाईक म्हणाले, गांधी घराण्याने सतत हिंदूंचा द्वेष केला आहे. विरोधी पक्षनेधे राहुल गांधी यांनी केलेल्या वक्तव्याचा सर्वांनी निषेध करावा. आमदार फर्नांडिस म्हणाले, हिंदू हिंसा करतात, असे राहुल गांधी यांनी केलेले वक्तव्य योग्य नाही. गोव्यात हिंदू, ख्रिश्‍चन, मुस्लिम एकत्रित राहतात. भाजपने नरेंद्र मोदी यांच्या नेतृत्वाखाली झेप घेतली आहे, भाजपच्या नेतृत्वाखालील राज्यात सरकार विकासाच्या वाटेने जात आहे.
राहुल गांधी यांनी केलेल्या वक्तव्याचा निषेध करीत असल्याचे सागून आमदार आमोणकर म्हणाले, काँग्रेसने लोकसभा निवडणुकीत प्रत्येक घरात एक लाख रुपये देऊन, त्याचबरोबर राज्य घटना बदलली जाणार असल्याचे दाखवून मत मागितले, तरीही हा पक्ष सत्तेपर्यंत गेला नाही. राहुल गांधी यांनी हिंदू जनतेची माफी मागावी, अशी मागणी त्यांनी केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.