गोव्यातील सरकार बडतर्फ करा!

नवी दिल्ली : मेघालयाचे राज्यपाल सत्यपाल मलिक (Satyapal Malik) यांनी गोवा सरकारवर केलेल्या भ्रष्टाचाराच्या आरोपांमुळे खळबळ उडाली असून काँग्रेसने (Congress) मुख्यमंत्री प्रमोद सावंत (CM Pramod Sawant) आणि त्यांच्या मंत्रिमंडळाच्या बडतर्फीची मागणी केली आहे.

गोवा सरकारमध्ये प्रत्येक ठिकाणी भ्रष्टाचार होतो. याकडे सत्यपाल मलिक यांनी पंतप्रधानांचे लक्ष वेधल्यानंतर त्यावर कारवाई करण्याऐवजी मलिक यांची गोव्यातून मेघालयात पाठवणी करण्यात आल्याची टीका सुरजेवाला यांनी केली. कोरोना काळात झालेल्या भ्रष्टाचारामध्ये प्रत्यक्ष अथवा अप्रत्यक्ष सहभागी असलेल्या मुख्यमंत्री आणि त्यांच्या संपूर्ण मंत्रिमंडळ बडतर्फ केले जावे, सर्वोच्च न्यायालयाच्या न्यायाधीशांच्या देखरेखीखाली गोवा सरकारच्या भ्रष्टाचाराची चौकशी केली जावी, असेही राहुल गांधी म्हणाले.

काँग्रेस नेते राहुल गांधी (Rahul Gandhi) 30 ऑक्टोबर रोजी गोव्यात विधानसभा निवडणुकीच्या प्रचाराला सुरुवात करणार आहेत. दरम्यान ते खाणबंदीमुळे बाधित झालेल्या लोकांना आणि मच्छिमारांनाही भेटणार असल्याचे प्रथमदर्शनी सांगण्यात येत आहे.