अरविंद केजरीवालांविरुद्ध गुन्हा दाखल

मडगाव : निवडणूक आचारसंहितेचा भंग केल्याने कुडचडे पोलिसांनी दिल्लीचे मुख्यमंत्री अरविंद केजरीवाल (Arvind Kejriwal) यांच्या विरोधात गुन्हा नोंद केला आहे. निर्वाचन अधिकाऱ्याने दिलेल्या तक्रारीनुसार हा गुन्हा नोंद करण्यात आल्याची माहिती पोलिसांनी दिली.

निवडणूक आयोगाने (Election Commission) घालून दिलेल्या मार्गदर्शक तत्वांचा भंग केल्याची तक्रार केपेच्या (Quepem) उपजिल्हाधिकारी कार्यालयातून केपे पोलिस (police) उपअधीक्षक कार्यालयात देण्यात आली होती.

तृणमूल काँग्रेसचे (TMC) विजय पै यांनी निवडणूक (election) आयोगाकडे तक्रार केली होती. पै यांनी केलेल्या तक्रारीत 13 फेब्रुवारी रोजी आम आदमी पक्षाने (AAP) एक व्हिडिओ इन्स्टाग्रामवरून प्रसारित केला होता. त्यात केजरीवाल यांनी आपचे कुडचडेचे उमेदवार गाब्रियल फर्नांडिस यांचा प्रचार केला होता. निवडणुकीचा जाहीर प्रचार बंद झाला असताना हा प्रचार केल्याने केजरीवाल यांच्याविरूद्ध तक्रार दाखल करण्यात आली होती.