मडगाव: पठाणकोट, पंजाब येथून सहा वर्षांच्या मुलाचे अपहरण केल्याप्रकरणी पंजाब पोलिसांनी ‘बीएसएफ’च्या एका निलंबित कॉन्स्टेबलसह दोघांना गोव्यातून अटक केली. गोव्यात काब द राम या भागात अपहरणकर्त्यांचे लोकेशन सापडल्यावर शनिवारी त्यांना तेथून अटक करण्यात आली. पंजाबचे पोलिस महासंचालक गौरव यादव यांनी गोवा डीजीपींचे या आंतरराज्य ऑपरेशनमध्ये सहकार्य केल्याबद्दल त्यांचे आभार मानले.
गौरव यादव यांनी सांगितले की, ‘बीएसएफ’चा एक निलंबित हवालदार अमित राणा आणि एक जेसीबी ऑपरेटर रिषभ ऊर्फ सोनू या संशयितांना शनिवारी कुंकळ्ळी येथून अटक करण्यातआली. ३० ऑगस्ट रोजी शाळेतून परतत असताना पठाणकोट येथील शाह कॉलनीतील त्याच्या घराजवळून मुलाचे अपहरण करण्यात आले होते.
अपहरणकर्त्यांनी मुलाचे वडील पठाणकोटमधील प्रतिष्ठित व्यापारी बादल भंडारी यांच्याकडे २ कोटी रुपयांची खंडणी मागितली होती. अपहरणानंतर वरिष्ठ पोलिस अधीक्षक दलजिंदर सिंग धिल्लन यांनी तातडीने एक पथक तयार करून अपहरणकर्त्यांचा शोध घेतला. पोलिस आपल्या मागावर असल्याचे लक्षात येताच अपहरणकर्त्यांनी मुलाला सोडून घटनास्थळावरून पळ काढला. त्यानंतर पोलिसांनी ३१ ऑगस्ट रोजी शेजारच्या हिमाचल प्रदेशातील कांगडा जिल्ह्यातील नूरपूर येथून मुलाची सुटका केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.