पुण्यात तब्बल 4000 कोटींच्या अमली पदार्थ रॅकेटचा पर्दाफाश करण्यात आला होता. या रॅकेटचे पुढे सांगली कनेक्शन समोर आले होते, सांगलीच्या कुपवाड येथून 300 कोटींचे 130 किलो अमली पदार्थ जप्त करण्यात आले होते.
आता या अमली पदार्थ रॅकेटचे गोवा कनेक्शन समोर आले असून, सांगलीतून गोव्यात अमली पदार्थाचा पुरवठा केला जात होता, असे तपासातून समोर आले आहे.
पुणे पोलिसांनी इतिहासातील सर्वात मोठ्या अमली पदार्थ रॅकेटचा पर्दाफाश केल्यानंतर पुणे पोलिसांच्या गुन्हे शाखेने सांगलीतील कुपवाड येथून मोठ्या प्रमाणावर अमली पदार्थ जप्त केले होते. येथे मिठाच्या पोत्यात लपवून ठेवलेले 300 कोटी रुपये किंमतीचे 140 किलो अमली पदार्थ पोलिसांनी जप्त केले होते. याप्रकरणात आयुब मकानदारसह दोघांना ताब्यात घेण्यात आले होते.
पोलिसांनी कुपवाडमधील स्वामी मळा येथील गोडाऊनवर छापेमारी केली असता मीठाच्या पोत्यात अमली पदार्थ लपवून ठेवल्याचे निदर्शनास आले. यातील काही प्रमाणात माल गोव्यात विक्रीसाठी पाठविण्यात आल्याचे तपासातून समोर आले आहे.
पुणे पोलिसांनी दोन दिवसांत तब्बल 4 हजार कोटी रुपयांचं दोन हजार किलो अमली पदार्थ जप्त केले. पुणे, विश्रांतवाडी, कुरकुंभ, दौंड आणि दिल्लीत कारवाई करत पोलिसांनी अमली पदार्थ जप्त केले.
पोलिसांनी वैभव उर्फ पिंट्या माने आणि त्याच्या साथीदारांना पकडून साडेतीन कोटींचे अमली पदार्थ जप्त केल्यानंतर पोलिसांच्या कारवाईचा धडाका सुरु झाला. त्यानंतर विविध ठिकाणावरुन मोठ्या प्रमाणावर अमली पदार्थ जप्त करण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
