Goa Crime News
पणजी: घराचे नूतनीकरण आणि दुरुस्तीच्या नावाखाली पुण्यातील एका उद्योगपतीची गोव्यात ११ लाख रुपयांची फसवणूक केल्याचा प्रकार उघडकीस आला आहे. पुण्यातील उद्योगपतीने घरातील कामासाठी आगाऊ ११ लाख रुपये दिले मात्र, संशयित आरोपींनी काम न करता फसवणूक केली, असा आरोप उद्योगपतीने केला आहे.
गोवा पोलिसांनी दिलेल्या माहितीनुसार, पुण्यातील उद्योगपती समीर भोसले (रा. पुणे, महाराष्ट्र) यांनी याप्रकरणी तक्रार दाखल केली आहे. तक्रारीवरुन पर्वरी पोलिसांनी तीन संशयितांविरोधात गुन्हा नोंद केला आहे. संशयित देविका आणि रेने यांनी या भोसले यांच्याकडून घर दुरुस्तीच्या कामासाठी ११ लाख रुपये घेतले. पण, काम न केल्याने त्यांच्याविरोधात भोसले यांनी पोलिसांत धाव घेतली.
उद्योगपती समीर भोसले यांचे पिळर्ण येथे एक जुने घर आहे. या घराचे नूतनीकरण आणि दुरुस्तीसाठी संशयितांना चेकच्या मदतीने ११ लाख रुपये देऊ केले. पैसे घेऊन देखील संशयितांनी घराचे काम केले नाही, असा आरोप तक्रारीतून केला आहे. याप्रकरणी पर्वरी पोलिस अधिक तपास करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.