‘गोवा काजू फेणी’ कव्हरचे टपाल विभागाकडून प्रकाशन

पणजी : गोवा टपाल (Goa Post Office) विभागाकडून स्वातंत्र्याच्या अमृत महोत्सव (15 August) कार्यक्रमाचा भाग म्हणून 30 नोव्हेंबर ते 2 डिसेंबर 2021 दरम्यान ‘गोवापेक्स 2021’ (Govapex 2021)या जिल्हास्तरीय आभासी फिलाटेली प्रदर्शनाचे आयोजन केले आहे. या आयोजनातील पहिल्या टप्प्यात आज गोवा काजू फेणीवर विशेष कव्हर आणि कॅन्सलेशनचे पोस्टमास्तर जनरल कर्नल एस. एफ. एच. रिझवी यांच्या हस्ते प्रकाशन करण्यात आले. (Publication of Goa Cashew Feni cover by Postal Department)

पणजी मुख्यालयात हे कव्हर विक्रीसाठी उपलब्ध आहे. अमृत महोत्सव आणि गोवा मुक्ती हीरक महोत्सवी वर्षाच्‍या निमित्ताने आगामी प्रदर्शनाचे आयोजन केले आहे. यात फिलाटेलीच्या माध्यमातून भारतीय संस्कृती आणि गोव्यातील वारसास्थळे आणि संस्कृतीविषयी महत्त्वपूर्ण माहिती मिळण्यास मदत होणार आहे. आजच्या प्रकाशनाप्रसंगी वरिष्ठ टपाल अधीक्षक डॉ. सुधीर जाखेरे, गोवा फिलाटेली आणि न्यूमिस्मॅटिक सोसायटीचे अध्यक्ष डॉ. रमेश कुमार यांची उपस्थिती होती.