फोंडा: फोंडा तालुका अंत्रुज शिगमोत्सव समितीतर्फे राज्य सरकारच्या सहकार्याने आयोजित करण्यात येणारा वार्षिक शिगमोत्सवाला आज (शनिवारी) मोठ्या उत्साहात प्रारंभ झाला. ओस्सय...ओस्सयच्या गजरात आणि ढोलताशांच्या तडतडाटात फोंड्याचे आमदार रवी नाईक यांच्या हस्ते तसेच प्रियोळचे आमदार गोविंद गावडे, माजी खासदार नरेंद्र सावईकर, अंत्रुज शिगमोत्सव समितीचे उपाध्यक्ष अशोक नाईक तसेच इतर मान्यवरांच्या उपस्थितीत तिस्क - फोंडा येथील श्री महादेव घुमटीला श्रीफळ अर्पण करून या शिगमोत्सवाला सुरुवात झाली.
यावेळी रवी नाईक यांनी गेल्या चाळीस वर्षांपूर्वी सुरू झालेल्या या शिगमोत्सवाला आज व्यापक स्वरूप प्राप्त झाले असून सर्वांच्या एकतेसाठी सुरू झालेल्या या सार्वजनिक शिमगोत्सवात सर्वांचा सहभाग असायला हवा, असे मत व्यक्त केले.
आमदार गोविंद गावडे यांनी रवी नाईक यांनी सुरू केलेल्या सार्वजनिक शिगमोत्सवातून एकतेचे दर्शन घडत असून प्रत्येकाने मतभेद विसरून या उत्सवात सहभागी व्हावे असे आवाहन केले. दर्शकांची मोठी संख्या यावेळी दिसली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
